ЛАТЫНЬ СЕГОДНЯ АРИСТЕЙ XI (2015) С. 13–16 Alexius Scatebranus Rutenus Nicolao FEDOROV Alexii f. magistro suo salutem Vsque a primis in uita Academica diebus Н. <...> Федоров illis Septembribus es nobis notus, multique iam anni praeteriere, ex quo primum te in auditorio nostro millesimo quinquagesimo primo uidimus colloquioque tuo frui coepimus. <...> Postea, cum iter difficillimum a primis linguae Latinae elementis per Caesarem Nepotem ad Ciceronem deinceps et Sallustium, mox ad Catullum Tibullum, Vergilium Horatium, ad Tacitum denique et Senecam, quin etiam, Ammianum Marcellinum lustri unius spatio faceremus, quod iter cum rationis studiorum tum animi cultus erat, contigit nobis feliciter propius meliusque te praeceptorem magistrumque optimum nosse. <...> Poscimur nonnumquam a natu minoribus, ut describamus, quo modo scholae nostrae illae processerint. <...> Id esse facile, dicere solemus: te interrogasse, nos respondisse; te, ut recitaremus, petisse, nos primo recitasse, deinde interpretatos esse; accedere quod nonnumquam etiam exercendi causa ex nostrate sermone Rutenico in Latinum uertisse. <...> Sat es memorare, ex quattuordecim classis nostrae alumnis septem tantum, id est dimidiatum numerum, usque ad anni primi finem mense Maio peruenisse. <...> At non multum tales descriptiones conducere, dixerit quispiam, omnesque eodem fere modo scholas Latinas habere. <...> His assentiri inuitus cogor; addendum tamen esse censeo, scholas illas a multorum aliorum scholis, ut multo post, uaria diuersis in urbibus et terris uidentes, intelleximus, immensum quantum differre, sed ita uero, ut partim ab aliis nequaquam exprimi posse uideantur, partim etiam, de imbecillioribus dico, si perperam describantur aut ad imitandum minus recte proponantur, etiam nocere possint. <...> Nam omnia, quae in scholis agebantur, uiuidissime ante oculos ponebantur: gestu, oculorum nutu, capitis inclinatione, tum <...>