Феофан Прокопович
Слово на похвалу блаженныя и вечнодостойныя памяти Петра Великаго,
императора и самодержца всероссийскаго, и прочая, и прочая, в день тезоименитства его
проповеданное в царствующем Санктъпетербурге, в церкви Живоначалныя Троицы, святейшаго
правительствующаго Синода вицепрезидентом, преосвященнейшим Феофаном, архиепископом
псковским и нарвским
Оригинал здесь -- http://lib.pushkinskijdom.ru/Default.aspx?tabid=5933
Се день, о сынове российстии, прежде нам великую материю радости подававший, ныне же
непрестающую скорбь и печаль вящше возбуждающий, день тезоименитства Петра Великаго! Прежде в
сей день торжествовала Россиа, благодаря смотрению божию за дарованного себе монарха, перваго
толикия славы в царех российских первому апостолу тезоименнаго и не всуе имя сие имевшаго, твердаго
в вере, крепкаго в деле и как на утверждение отечества, так и на сокрушение супостат наших каменю
подобнаго. Ныне же день сей, тоежде блаженство наше нам воспоминая, но уже от нас взятое, всех обще
сердца наша, доселе от горести не услажденная, еще и паче огорчевает. Но что на пользу весьма
побеждатися болезнию, когда так не возвратим, чего мы лишилися! Не лучше ли то нам зделать, что и
Богу и Петру нашему должны мы: то есть предложить на среду славныя таланты, дела же и действия
Петрова. Вем, что сих воспоминание покажет, коликая нам зделалася трата, и тако великая в нас
возбудит стенания. Обаче, о слышателие, каковаго нас чудный муж сей исполнял духа, то есть крепкаго,
мужественнаго и в христианской философии искуснаго, таковым духом и сие последнее послужение
наше совершить ему долженствуем. Скорбим и сетуим, но не яко окамененнии; плачимся и рыдаим, но
не яко отчаяннии; тужим от горести сердца, но не яко немии и чувств лишившийся. Многая одолжают
нас, да не умолчим богоданных дарований, которыми нас обогатил изобильно, а весь свет довольно
удивил сущий сей отец наш Петр воистинну Великий. Требует того от нас превысокое не по власти
токмо, но и по силе достоинство его; требует раболепное и сыновнее благодарствие наше; требует и
наипаче явленное нам чрез него великое благодеяние божие. Петрова бо дела предлагая, предложим дела
божия, которая по всей селенней проповедуемая; аще мы умолчим, то якоже отъятием делателя
недостойни их являемся, тако и молчанием неблагодарни Богу явимся.
Того ради, исполняя по силе сие наше долженство и приступая к некоему Петровой славы
повествованию (к некоему, глаголю, повествованию, неравному и недовольному, которому разве великия
книги могут быть довольныя), молю и прошу христолюбие ваше не о чем обычно просят слышателей
проповедники, то есть да нестужительно слышать изволите, но что напомянулося прежде, -- да
мужественное, и любомудрое, и Петрову сердцу подобное возъимеете великодушие и терпение, еже бы
слышащым толикая благая, которых совершитель оставил нас, в конец душою не ослабеть.
Тебе во первых и наипаче касается наше сие прошение, державнейшая монархиня наша, силная
силнаго наследница. Потщися одолети нестерпимую болезнь твою известным всем в женской плоти
твоей мужеством, подержи терпеливне вонзенный в сердце твое терн сей и оружие, душу твою
проходящее. Аще бо и прежде, сопутствуя Петру в великих и трудных походах его и всякия страхи
мужественно презирая, едиными его самаго бедствии ты сокрушалася, -- то кто исповесть нынешнюю
твою горесть, Петра отъятием вшедшую в тебе. Того ради, при слышании Петровых дел, славою оных
услаждай сердце твое и толикое лишение крайним великодушием понеси. Аз же надеюся, что
повествованием сим не токмо возбудимся к благодарению божией милости, много нам в Петре нашем
благодеявшей, и Петру, много милостию божией действовавшему, но и в настоящей скорби нашей
получим отраду и утешение.
Не тако бо нас, о российстии сынове, не тако оставил нас отец наш, аки бы вся своя с собою
унесл, но оставленным оставил нам неисчетная богатства своя и различная дарования: ово во учении и
образе, ово же и в содеянных делах, великих и безчисленных. Трудность только предлежит, како бы оная
обнять и представить словом, а еще кратким и малоискусным. Вижду бо пространный облак сил и дел
добродетельных, и что первее, что потом, что послежде сказать, но и что воспомянуть, что же за
краткость времене и оставить, недоумеваю. Посмотрим на двойственную должность и дело, первое, яко
просто царя, второе, яко царя христианскаго, и каков и колик во обоих сих Петр показался, нечто, аще и
несовершенно, сказать довольно будет. Чин же и порядок слова сего приимем от премудраго Иисуса
Стр.1