АРИСТЕй IX (2014) С. 16–20 Wilfried Stroh VALAHFRIDI MONACENSIS DE ITINERE SUO AD MOSCUENSES COMMENTARIOLUS Constantinopoli sub dicionem Turcarum redacta urbs uestra, Moscuenses, non sine causa se Romam Tertiam iactare coepit. <...> Tamen, ut Romani Byzantini illi olim Graecissare sermone numquam desierunt, ita uos Moscuenses successores eorum Latinitate paene despecta diu Ruthenicam linguam unam celebrabatis, donec sub Petro Magno (nobis Germanis e fabula musica Alberti Lortzing Zar und Zimmermann, i.e. de Caesare et Fabro, optime noto), ut Horati uerbis utar, Latium Ruthenos feros cepit et suas artes intulit Moscuae. <...> Nam postea saeculo undeuicesimo certe floruisse apud uos gymnasia humaniora iam paene puer didici ex immortali carmine Pushkinii de Eugenio Onegin, ubi tamen poeta de quadam barbarie etiam tum serpente queritur (I 6):1 A! populus Latias parui facit iste loquelas atque artes, si non dicere uera pudet. <...> Eugenius tamen inde sibi quaedam hausit, ut apte sermoni insereret dicta Latina memor. <...> Vigebant certe eo saeculo studia Latina in Ruthenia, unde nobis quidem maxime innotuit Thaddaeus Zielinski origine Polonus, professor tamen Transfero e uersione Germanica lepidissima, quam fecit Ioannes a Guenther: A. Puschkin, Ausgewдhlte Werke, uol. 2, Berolini 1952, p. 13. 1 Аристей_9.indb 16 08.06.2014 17:19:17 ЛАТЫНЬ СЕГОДНЯ Wilfried Stroh VALAHFRIDI MONACENSIS DE ITINERE Petropolitanus, quem propter immensam uariamque scientiae copiam unice semper admiratus sum cuiusque in memoriam abhinc duo tresue annos etiam orationem sollemnem habui paene ad ipsum eius sepulchrum, quod ad Lacum Ambronem in Bauaria nostra situm est. Mihi autem, cum Latina studia e cathedra profiteri coepissem, etiam magis profuit Michail Pokrovski professor <...>